Պուտինն արդարացի է համարում Pussy Riot–ի անդամների ազատազրկումը

ՌԴ նախագահ Վլադիմիր Պուտինը հայտարարել է, որ արդարացված է համարում Pussy Riot խմբի անդամների նկատմամբ կայացված դատավճիռը, որոնք մոսկովյան Քրիստոս Փրկչի տաճարում պանկ–աղոթք էին իրականացրել՝ «Տիրամա՛յր, հեռացրու Պուտինին» անվանումով։

«Իրականում ճիշտ է, որ նրանց ձերբակալել են և ճիշտ է, որ դատարանը նման դատավճիռ է կայացրել, որովհետև չի կարելի խարխլել բարոյականության հիմքերը և ավերել երկիրը»,– ասել է Պուտինը՝ ռուսական НТВ–ի «Հանրային հեռուստատեսություն» ծրագրին տված հարցազրույցում։

Հիշեցնենք, որ պանկ–խմբի 3 անդամներն ազատազրկվել են 2 տարի ժամկետով։

«Իմ առաջին արձագանքը եղել է այն, որ ես ներողություն եմ խնդրել հավատացյալներից՝ նրանց փոխարեն, և ես կարծում էի՝ դրանով ամեն ինչ կվերջանա»,– ասել է ՌԴ նախագահը՝ ավելացնելով, որ «այս գործը դիտավորյալ շահարկվել է»։