Լուվրում առաջին անգամ հայկական ֆիլմ կցուցադրվի

Լուվրում առաջին անգամ կցուցադրվի հայկական ֆիլմ՝ «Սահման»-ը:

Իդեպ, ֆիլմի պրեմիերան կայացել է դեռ 2009 թվականին՝ Ռոտերդամի միջազգային փառատոնի ժամանակ: Իսկ մինչ օրս այն հասցրել է արժանանալ 15 մրցանակի:

Հարություն Խաչատրյանի «Սահման» ֆիլմը Լուվրում կցուցադրվի հոկտեմբերի 14-ին:

Կինոռեժիսոր Աբաս Քիառոսթամին, ով «Սահման»-ը ներկայացնելու է այնտեղ, Լուվրի պաշտոնական կայքում ֆիլմի մասին գրել է. «Հարություն Խաչատյանը կարողացել է շատ անսովոր ձևով կինո բերել նոր հերոսի: Ես այլևս ոչ մի տեղ նման բան չեմ տեսել: Քո առջև գոմեշ է, և նայելով նրան՝ հասկանում ես, որ նա էլ ունի գիտակցություն և զգացմունքներ: Այսօրվա համաշխարհային կինոն նկարում է պոռնիկների, մաքսանենգների, մարդասպանների՝ նրանց, ում դժվար է մարդ կոչել: Իսկ Խաչատրյանի ֆիլմում մենք տեսնում ենք մի գոմեշի, որն ավելի մարդկային է, քան թվարկածս արարածները: Ինչպե՞ս կարող էր նման ֆիլմը չտպավորվել և չփոխել իմ ներաշխարհը...»: