ՌԴ Առողջապահության նախարարությունը մտադիր է հինգ անգամ բարձրացնել ծխախոտի գինը

Առողջապահության նախարարությունը մտադիր է 11 անգամ մեծացնել ծխախոտային ապրանքների ակցիզային գները, գրում է Newsru.com-ը։ Արդյունաբերողների գնահատմամբ՝ ակցիզային նման գների պայմաններում մեկ տուփ ծխախոտի գինը կավելանա հինգ անգամ, նշվում է Forbes-ի ռուսական տարբերակում։

Առողջապահության նախարարությունում համոզված են, որ գների բարձրացումը, որն անխուսափելիորեն կհետևի ակցիզային գների բարձրացմանը, 27 տոկոսով կկրճատի ծխախոտի սպառման ծավալները։

Japan Tobacco International ընկերության հաղորդակցությունների գծով տնօրեն Անատոլի Վերեշչագինը Forbes-ին հայտնել է, որ դա ակցիզային գների կտրուկ աճի առաջին փորձը չէ, և այն «հակասում է Ֆինանսների նախարարության հայեցակարգին»։

British American Tobacco-ում չկարողացան օպերատիվ կերպով մեկնաբանել Առողջապահության նախարարության նախաձեռնությունը։ Սակայն ընկերությունում նաև կարծում են, որ ծխախոտի համար ակցիզային գների բարձրացումը չի կրճատի ծխողների քանակը. դա ընդամենը կավելացնի պահանջարկը ավելի էժան արտադրանքի նկատմամբ։