Դասընթացներ ՀՀ առևտրային բանկերում աշխատել ցանկացողների համար

«Ֆինանսաբանկային քոլեջ» հիմնադրամը, առաջնորդվելով իր առաքելությամբ, կարևորելով որակյալ մասնագետների մուտքը ՀՀ ֆինանսական համակարգ, 2012 թվականի հոկտեմբերի 22-ից սկսած՝ յուրաքանչյուր երկուշաբթի, չորեքշաբթի և ուրբաթ օրերին, ժամը 18։30-ից 21։30-ը կազմակերպում է հերթական«ՀՀ բանկային համակարգ. ներածական դասընթաց» եռամսյա ուսումնական ծրագիրը։

Ուսումնական ծրագիրը նախատեսված է ՀՀ առևտրային բանկերում աշխատել ցանկացող հավակնորդների և սկսնակ աշխատակիցների համար։

Ուսումնական ծրագրի տևողությունը 162 ակադեմիական ժամ է, արժեքը՝ 195.000 ՀՀ դրամ։ Արժեքի մեջ ներառված են նաև ուսումնական նյութերի տրամադրման և սրճային ընդմիջումների կազմակերպման ծախսերը։