Euronews-ն անդրադարձել է Վենետիկում բացված «Հայաստան. Քաղաքակրթության դրոշմներ» խորագրով ցուցահանդեսի բացմանը

«Euronews»-ը երեկ անդրադարձել է Վենետիկում բացված «Հայաստան. Քաղաքակրթության դրոշմներ» խորագրով ցուցահանդեսի բացմանը, որը նվիրված է հայ գրատպության 500-ամյակին։ Նշենք, որ հայերեն առաջին տպագիր գիրքը լույս է տեսել 1512 թ-ին Վենետիկում Հակոբ Մեղապարտի շնորհիվ։

Հայաստանի Հանրապետության նախագահ Սերժ Սարգսյանը դեկտեմբերի 12–15–ը Իտալիայի հանրապետություն կատարած պաշտոնական այցի շրջանակներում մասնակցել է ցուցահանդեսի բացման արարողությանը եւ շնորհակալություն հայտնել բոլոր նրանց, ովքեր օգնել են այդ եզակի ցուցահանդեսը կազմակերպելու հարցում։