Հրանուշ Հակոբյանը աշխատանքային այցով Ֆրանսիայում էր

2012 թվականի հոկտեմբերի 7-10-ը ՀՀ սփյուռքի նախարար Հրանուշ Հակոբյանն աշխատանքային այցով եղավ Ֆրանսիայում:

Հոկտեմբերի 7-ին նախարարը մասնակցեց և ելույթ ունեցավ «Հայկական առևտրային ցանցի» երկրորդ Գլխավոր Ասամբլեայում:

Աշխատանքային այցի շրջանակներում նախարարն ունեցավ մի շարք հանդիպումներ Փարիզի և Ալֆորվիլի հայ համայնքի ներկայացուցիչների, հոգևոր և աշխարհիկ, հասարակական ու մշակութային գործիչների հետ: Նախարարը տեղում ծանոթացավ համայնքի առօրյային, հայերի առջև ծառացած ազգապահպանության խնդիրներին: Հանդիպումների ընթացքում քննարկումներ եղան, որոնք միտված էին Հայրենիք-Սփյուռք գործակցության արդյունավետության բարձրացմանը, համագործակցության նոր ուղիների որոնմանն ու ծրագրերի իրականացմանը: