Սեքսով զբաղվելիս աղմուկ հանողները կտուգանվեն

Ռուսաստանի հյուսիսային մայրաքաղաք Սանկտ Պետերբուրգի պատգամավորները հիմք են ընդունել վարչական իրավախախտումների մասին օրենքում Սմոլնիի կատարած փոփոխությունները՝ հստակեցնելով դրա որոշ դրույթներ:

Օրինագծով, մասնավորապես, արգելվում է գիշերային ժամերին լռությունը ճիչով, թակոցով, կահույքի տեղափոխմամբ, երգով, երաժշտական գործիքներ նվագելով, սուլոցով խաթարելը: Այսուհետ կարգելվեն նաև աղմկալի սեքսն ու կատուների քայլքը: Եթե փաստաթուղթն օրենքի ուժ ստանա, գիշերային աղմկալի ակտիվությունը օրինախախտներին կարժենա 500-4000 ռուբլի. այդքան է կազմում տուգանքը ֆիզիկական անձանց համար:

Ընդհանրապես գիշերային աղմուկն ավելի թանկ կարժենա պաշտոնյաների համար՝ 5-10 հազար ռուբլի: Իրավաբանական անձինք նման խախտման համար կտուգանվեն 25-50 հազար ռուբլով: Այս մասին տեղեկացնում է Интерфакс-ը:

Օրինագիծը նախատեսում է տուգանքի բարձրացում նաև շների զբոսանքի կանոնների խախտման և հասարակական տրանսպորտում անտոմս ուղևորության համար: