«Մենք ցանկանում ենք, որ համաֆինանսավորումն ունենա շարունակական բնույթ». Գագիկ Բեգլարյան
Տնտեսություն
Հայաստանի Հանրապետության տրանսպորտի եւ կապի նախարար Գագիկ Բեգլարյանը հոկտեմբերի 11-ին ընդունել է Ասիական զարգացման բանկի /ԱԶԲ/ եւ Եվրոպական ներդրումային բանկի /ԵՆԲ/ պատվիրակություններին: Հանդիպման ընթացքում ԱԶԲ-ի Հյուսիս-հարավ ծրագրի ղեկավար Արտո Ահոնենը նշել է, որ ԵՆԲ-ի հետ քննարկման արդյունքում իրենք եկել են ընդհանուր համաձայնության՝ Հյուսիս-հարավ ճանապարհային միջանցքի երրորդ տրանշը համաֆինանսավորել 50/50 հարաբերակցությամբ:
Նախարար Գագիկ Բեգլարյանը ողջունել է երկու բանկերի միջեւ ձեւավորված համատեղ աշխատանքային գործունեությունը:
«Մեզ անհրաժեշտ է, որ այս համագործակցությունը նախարարության եւ բանկերի միջեւ արագ ընթացք ստանա: Հյուսիս-հարավ ծրագրի շրջանակներում սա ձեր առաջին համաֆինանսավորումն է, եւ մենք ցանկանում ենք, որ այն ունենա շարունակական բնույթ»,- ընդգծել է նախարարը:
ԵՆԲ ներկայացուցիչ Ջորջիա Կուցիանան շնորհակալություն է հայտնել՝ իրենց բանկին եւս Հյուսիս-հարավ ճանապարհային միջանցքի երրորդ տրանշի համաֆինանսավորման մեջ ներառելու համար:
Գագիկ Բեգլարյանը ընդգծել է, որ նախարարությունը պատրաստակամ է այս ծրագրի շրջանակներում աջակցել բանկերին:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
