Վիճաբանության ժամանակ դանակահարել էր 26-ամյա համաքաղաքացուն
Իրավունք
Չարենցավանի բնակիչը վիճաբանության ժամանակ դանակահարել էր 26-ամյա համաքաղաքացուն:
Ոստիկանության լրատվական ծառայությունից հայտնում են, որ օգոստոսի 11-ին ժամը 22.40-ին, «Չարենցավան» բժշկական կենտրոնից ահազանգ էր ստացվել, որ ազդրի ծակած վերքերով բուժօգնության է դիմել չարենցավանցի 26-ամյա մի երիտասարդ և հայտնել, որ վնասվածքները ստացել է ընկնելու հետևանքով:
Ոստիկանության Կոտայքի մարզային վարչության և Չարենցավանի բաժնի ծառայողների համատեղ ձեռնարկած օպերատիվ-հետախուզական միջոցառումների արդյունքում պարզվել է, որ անձնական հարցերի շուրջ ծագած վաճաբանության ժամանակ երիտասարդին դանակահարել էր 34-ամյա համաքաղաքացին:
Բացատրական աշխատանքի շնորհիվ Չարենցավան քաղաքի 34-ամյա բնակիչը օգոստոսի 12-ին ներկայացել է ոստիկանության Չարենցավանի բաժին և տվել խոստովանական բացատրություն: Նա ձերբակալվել և տեղափոխվել է քննչական բաժին:
Ամենադիտված 
Մնաս բարյավ. Րաֆֆի Հովհաննիսյան
