Եվրոպայում գետի ափին 10 տոննա սատկած ձուկ է հայտնաբերվել

Անհայտ աղտոտվածության պատճառով 10 տոննա սատկած ձուկ է հայտնաբերվել Օդրա գետի ափերին, որը հոսում է Լեհաստանով և Գերմանիայով։ Այս մասին գրում է Rzeczpospolita-ն։

Հրատարակությունը մեջբերել է Լեհաստանի ներքին գործերի փոխնախարար Մաչեյ Վոնշիկը, որը խոստացել է 220,000 դոլար պարգևատրում այն ​​տեղեկության համար, որը կօգնի բացահայտել զանգվածային աղտոտման համար պատասխանատուներին:

Առայժմ Լեհաստանից և Գերմանիայից մասնագետներն ուսումնասիրում են ջրի ընտրված նմուշները և արդեն պարզել են, որ նմուշները սնդիկ չեն պարունակում, սակայն աղիության ցուցանիշները բարձր են։