Մասնագետը հայտնել է՝ ինչ պետք է անել արյան ճնշման կտրուկ բարձրացման դեպքում

Արյան ճնշման կտրուկ բարձրացումը կարող է հանգեցնել «անոթային աղետի», որը սպառնում է մարդու կյանքին, գրում է նյարդաբան Տատյանա Ստեցկայան Telegram-ի իր ալիքում։

Հիպերտոնիկ ճգնաժամը կարող է ավարտվել ինսուլտով և շատ վտանգավոր է, մինչդեռ մարդը կարող է չիմանալ, որ իր ճնշումը կտրուկ բարձրացել է։ Պետք է նախազգուշացնող հանգամանք լինեն ոչ միայն տոնոմետրի ցուցիչները, այլ նաև թուլության, սրտխառնոցի, վերջույթների թմրածության և տեսողության անսպասելի խանգարումները:

«Եթե կասկածում եք՝ կա՞ արդյոք ձեր կամ որևէ մեկի մոտ հիպերտոնիկ ճգնաժամ, պետք է գնալ զով սենյակ, պառկել հարմարավետ դիրքով, հանել ճնշման հագուստը, խմել ճնշումը նվազեցնող ցանկացած դեղամիջոց: Եթե ​​առաջին բուժօգնությունից մեկ ժամ անց ճնշումը չի նվազել, սպասելն արդեն վտանգավոր է, շտապ օգնություն կանչեք»,- զգուշացրել է բժիշկը։

Մասնագետը նշել է, որ ճնշման կտրուկ և մեկանգամյա բարձրացումը, որպես կանոն, պայմանավորված է էմոցիոնալ գերլարվածությամբ, սակայն եթե հիպերտոնիան պարբերաբար կրկնվում է, դա վտանգավոր նշան է, որը պահանջում է անհապաղ բուժում։