BYD-ը Mercedes-Benz G-Class-ի մրցակից ավտոմեքենա կթողարկի

Չինական BYD ընկերությունը նախատեսում է թողարկել նոր պրեմիում ամենագնաց։ Այս մասին հայտնում է carnewschina.com-ը։ Մոդելի անունը դեռ գաղտնի է պահվում։

Մոդելը, որը Չինաստանում կարժենա 800 հազարից մինչև 1,5 միլիոն յուան, կմրցակցի Mercedes-Benz G դասի ամենագնացի հետ։ Առաջին ավտոմեքենաները արտադրական գծից դուրս կգան 2023 թվականի առաջին կեսին։

Նորույթն արտաքին տեսքով նման կլինի գերմանական G դասին։ Նա կունենա ռադիատորի զանգվածային վանդակաճաղ, հինգերորդ դռան վրա տեղադրված պահեստային անիվ, ինչպես նաև գետնից բարձր հեռավորություն: Սրահում մուլտիմեդիա համակարգի հսկայական ինտեգրված էկրանը տեղադրված է դիմային վահանակի վրա։ Դրա անկյունագիծը առնվազն 20 դյույմ է: Գործիքների վահանակը թվային է, իսկ օդափոխման դեֆլեկտորները բարձրանում են առջևի վահանակի վերևում: Երեք թևանի ղեկը ներքևում բացվածք ունի:

Նոր BYD պրեմիում ամենագնացի անվանումը և այն, թե ինչ շարժիչներ են նախատեսվում տեղադրել դրա վրա, կհայտարարվի մոդելի արտադրության մեկնարկին ընդառաջ։