La Repubblica. Ռուսաստանին անհրաժեշտ է այլընտրանք գազին և նավթին

Ռուսական տնտեսության դանդաղ աճը, համեմատած BRICS-ի (Brazil, Russia, India, China and South Africa) մյուս երկների հետ, վկայում է էներգոռեսուրսներից չափազանց շատ կախված լինելու փաստի մասին: Ռուսական տնտեսության զարգացման հեռանկարները բավականին մշուշոտ են. գրում է Ջովանի Մաֆոդան իր հոդվածում, որ հրապարակվել է La Repubblica իտալական թերթում:

«Այնպես, ինչպես Բրազիլիան և Հնդկաստանը, Ռուսաստանի համար տնտեսության աճի դանդաղեցման ներկայիս փուլն առաջին հերթին պայմանավորված է երկրում տնտեսական և քաղաքական կարգի խնդիրների հետ»,-նշված է հոդվածում:

«Վլադիմիր Պուտինի՝ 2009թ. իշխանության գալուց ի վեր Ռուսաստանը տարիների ընթացքում ունեցել է ուժեղ տնտեսական աճ և ֆինանսական համակարգի ամրապնդում: ԽՍՀՄ-ի գոյության վերջին տարիներին նավթի գների ընկնելու հետևանքների հետ կապված դառը հիշողությունները Վլադիմիր Պուտինին մղեցին ստեղծել կայունացման հիմնադրամ, ուր գալիս էին նավթի վաճառքից ստացված միջոցները:

Պուտինի բարեփոխումները նախ դյուրացրին բյուրոկրատական պրակտիկան, այն ամենը, ինչը կապված է ձեռնարկությունների գործունեության, քաղաքացիներից եկամտահարկի իջեցման հետ, ինչն էլ նպաստեց սպառման աճին»,-գրում է հոդվածի հեղինակը:

«2000-2007թթ. ՀՆԱ-ի միջին տարեկան աճը հասավ 8%-ի: Նման ցուցանիշներ ցույց էին տալիս նաև Չինաստանը և Հնդկաստանը: Այդ ժամանակաշրջանում բազում զարգացած երկրներ փորձում էին սահմանափակել իրենց սոցիալական ծրագրերի ծավալը, բայց մոսկովյան ղեկավարները շարունակում էին խոստանալ բնակչությանը սոցիալական վճարների, աշխատավարձի և այլնի բարձրացում այն հույսով, որ Չիանստանի աճը կշարունակվի երկար ժամանակ և կապահովի գազի և նավթի գների բարձր մակարդակ: Այդ սխալ սահմանումը տնտեսական համակարգին զրկեց կայունությունից ու ամրությունից, որտեղ դեռ բնակչության 40%-ը կախված է պետական վճարներից և ձեռնարկությունների 50%-ը կախված է պետությունից»:

«Կայունացման հիմնադրամը 2009-ի դրությամբ իր ենթակայության տակ ուներ 598 մլրդ դոլար: Բայց 2009թ. ՀՆԱ-ի անկումը (-8%) փոխեց Ռուսաստանի սպասումները: Դաժան տնտեսական ճգնաժամի հարվածների տակ պահուստները, որ հավաքվել էին սև օրվա համար, ծախսվեցին մի քանի տարվա ընթացքում, և Պուտինի դարաշրջանի սկզբից ի վեր առաջին անգամ պետբյուջեի դեֆիցիտը հասավ 4%-ի»:
«Ռուսաստանը կարողացավ հասնել մինչճգնաժամային մակարդակի միայն 2011թ. վերջին: Այժմ, երբ Ռուսաստանը դարձել է որոշակի մակարդակի տնտեսություն, ակնհայտ է դարձել, որ այն կարիք ունի քաղաքական պետական ուժի, որ կարողանար իրականացնել բարեփոխումներ, որոնք կարող են ապահովել վստահ աճ»,-վերջերս հայտնել է Morgan Stanley Investment Management ընկերության զարգացող շուկաների բաժնի ղեկավար Ռուչիր Շարման:

«Միայն Ռուսաստանի նախագահի խոստացած «թռիչքը առաջ» կարող է թույլ տալ երկրին անցնել զարգացման մեկ այլ մակարդակի, ինչը Ռուսաստանին թույլ կտա անցնել ապագա տնտեսական գերտերությունների շարքերը»,-նշել է հոդվածի հեղինակը: