Ոսկե մեդալ՝ Մարսելի 13-րդ և 14-րդ թաղամասերի թաղապետին
Սփյուռք
Հոկտեմբերի 12-ին ՀՀ սփյուռքի նախարարությունում տեղի ունեցավ Մարսելի Հայ մշակույթի և երիտասարդության տան ղեկավար, Մարսելի 13-րդ և 14-րդ թաղամասերի թաղապետ Գարո Հովսեփյանի՝ ՀՀ սփյուռքի նախարարության ոսկե մեդալով պարգևատրման արարողությունը: Գարո Հոհսեփյանը շուրջ 35 տարի հայրենանվեր աշխատանք է ծավալել հայ համայնքում, մեծ է նրա ավանդը Հայրենիք-Սփյուռք հարաբերությունների զարգացման գործում: Նրա հիմնադրած Հայ մշակույթի և երիտասարդաց տան գործունեությունը միտված է Ֆրանսիայում հայկական մշակույթի, ավանդույթների պահպանմանն ու հանրահռչակմանը:
Նախարարության ոսկե մեդալի հանձնման արարողության ժամանակ՝ ՀՀ սփյուռքի նախարար Հրանուշ Հակոբյանը բարձր գնահատեց Գարո Հովսեփյանի՝ հայկականությանն ու իր արմատներին նվիրումը, որն արտացոլված է Մշակույթի տան գործունեությունում. «Դուք լուրջ քաղաքական գործունեություն եք ծավալում Մարսելում, և դա առիթ է, որ հայը ներկա լինի ֆրանսիական իրականությունում: Դա միայն դրականորեն կարող է անդրադառնալ հայ-ֆրանսիական բարեկամական հարաբերությունների վրա»:
Գարո Հովսեփյանը շնորհակալություն հայտնեց իր գործունեությունը նման բարձր մակարդակով գնահատելու համար:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
