Պուտինը չի մասնակցի Գորբաչովի հոգեհանգստյան արարողությանը. հրաժեշտ արդեն տվել է

Ռուսաստանի դաշնության նախագահ Վլադիմիր Պուտինը չի կարողանա մասնակցել Միխայիլ Գորբաչովի հրաժեշտի ընդհանուր արարողությանը: 

Այդ մասին լրագրողներին ասել է նախագահի մամուլի քարտուղար Դմիտրի Պեսկովը: Նա նշել է, որ այս պահին Պուտինն աշխատանքային այցով Կալինինգրադում է:

Կրեմլի ներկայացուցիչը պարզաբանել է, որ ՌԴ նախագահը Կալինինգրադ մեկնելուց առաջ այցելել է Կենտրոնական կլինիկական հիվանդանոց, որտեղ հրաժեշտ է տվել ԽՍՀՄ առաջին ու վերջին նախագահ Միխայիլ Գորբաչովին: