Պուգաչովայի և Գալկինի երեխայի համար սուրոգատ մայր է հայտնվել

Վերջերս տարածվել էին լուրեր, թե երգչուհի Ալլա Պուգաչովան սուրոգատ մայր է փնտրում իր երեխայի համար։

23-ամյա Մարինան ողջ երկրում հայտարարել է, որ պատրաստ է դառնալ Ալլա Պուգաչովայի և Մաքսիմ Գալկինի երեխայի փոխնակ մայրը։ Աղջիկն արդեն անցնում է բժշկական այն բոլոր ստուգումները, որպեսզի ապացուցի, որ իր ցանկությունը լուրջ է։ Մարինան լրագրողներին հայտնել է, որ հարգում է պրիմադոննայի արվեստը և մանկությունից լսում է նրա երգերը։ Իր համար մեծ պատիվ կլինի սիրելի երգչուհու համար երեխա լույս աշխարհ բերելը։ 

Իհարկե, այդ առաջարկը անվճար չէ։ Աղջիկը նման քայլի պատրաստ է գնալ 1 մլն ռուբլի ստանալու դեպքում։ Մինչ Մարինան անալիզներ էր հանձնում, լրագրողները հետաքրքրվեցին երգչուհուց, թե նա ինչ է մտածում այս առաջարկի շուրջ։ Պուգաչովան ասել է, որ անհարմար է նման երևույթների մասին հարցեր տալը և հրաժարվել է տալ որևէ մեկնաբանություն։ Այնպես որ, սուրոգատ մոր այս թեման մնում է բաց և շարունակում է իր շուրջը տարատեսակ խոսակցություններ հավաքել, գրում է newsofstars.ru-ն։