Պարզաբանում՝ առողջապահության ոլորտում հայտնաբերված «չհիմնավորված գնումներ»-ի առիթով

Հոկտեմբերի 11-ին ՀՀ վարչապետ Տիգրան Սարգսյանի ՀՀ առողջապահության նախարա­րությունում անցկացրած խորհրդակցության ընթացքում ՀՀ ֆինանսների նախարա­րության ֆինանսական վերահսկողության տեսչության պետ Սոնա Ղարիբյանը ներկայացրել է առողջապահության ոլորտում իրականացված պետական գնումների ուսում­նա­սիրություն­ները, որի ընթաց­քում արձանագրվել են փաստեր. պետա­կան միջոցների հաշվին կա­տար­վել են 84,2 մլն. դրամի չհիմնավորված գնումներ և 140 մլն. դրամից ավել անարդյունավետ ծախսեր' ընդամենը երկու անուն դեղերի մասով:

Սոնա Ղարիբյանը իր զեկույցի ավարտին ներկայացրել է նաև վերլուծություն ութ անուն դեղերի ՀՀ ներմուծման գների և պետական գնումների նպատակով կնքված շրջանակային համաձայնագրերով ֆիքսված գների համադրման մասով: Արդյունքում պարզվել է, որ նշված դեղերի պետական գնումներով ձեռք բերման գները միջին հաշվարկով 44%-ով գերազանցում են ներմուծման գներին: Վերլուծությունը կատարվել է հիմնականում 2012թ. փետրվար ամսին ներ­մուծ­ված և մատակարարված ծավալների մասով: Ներմուծող չորս կազմակերպությունները միայն ութ տեսակի դեղերի ներմուծման և վաճառքի գների տարբերության արդյունքում ստացել են ընդհանուր 362,2մլն. դրամ եկամուտ:

«Ազատություն» ռադիոկայանը իր «Առողջապահության ոլորտում հայտնաբերվել են «չհիմնավորված գնումներ»» ռեպորտաժում ամբողջացրել և գումարել է նշված երեք ցուցանիշ­ները և արձանագրել, որ այդ ամենի հետևանքով «կատարվել են գրեթե 600 միլիոն դրամի «չհիմնավորված գնումներ եւ անարդյունավետ ծախսեր»: Մինչդեռ, համաձայն ուսումնա­սիրության պարզվել է, որ կատարվել են 84,2 մլն. դրամի չհիմնավորված գնումներ և 140 մլն. դրամից ավել անարդյունավետ ծախսեր: Իսկ նշված 362,2 մլն դրամը վերաբերում է ներմուծող չորս կազմակեր­պությունների եկամուտներին, ինչը չի ենթադրում, որ «ՀՀ առողջապահության նախարա­րությունը 362,2 միլիոն դրամ ավել գումար է վճարել, քան եթե այդ դեղերը նույնքան ծավալով վերջինս գներ շուկայից»: