ՀՀ-ում ուզում են ստեղծել որակի և տեխնիկական կանոնակարգման ազգային խորհուրդ

Հոկտեմբերի 18-ին ՀՀ կառավարության նիստի քննարկմանն է ներկայացվելու ՀՀ-ում որակի և տեխնիկական կանոնակարգման ազգային խորհուրդ ստեղծելու նախագիծը: Նախագիծը մշակվել է Հայաստանի Հանրապետության էկոնոմիկայի նախարարության որակի ենթակառուցվածքների վարչություն աշխատակիցների մասնակցությամբ:

Ստեղծվող խորհուրդն իրականացնելու է հետևյալ գործառույթները.

1) որակի ենթակառուցվածքի հարցերի վերաբերյալ խորհրդատվության տրամադրումը Հայաստանի Հանրապետության կառավարությանը,

2) որակի ենթակառուցվածքի արդյունավետ գործունեությունն ապահովող միջոցառումների ներկայացումը Հայաստանի Հանրապետության կառավարությանը,

3) երկրում որակի ենթակառուցվածքի քաղաքականության լիարժեք որդեգրման և Հայաստանի միջազգային ինտեգրմանը խրախուսմանն, պետության և շահագրգիռ կողմերի միջև երկխոսության, ինչպես նաև հետադարձ կապի ապահովմանն ուղղված առաջարկությունների ներկայացումը,

4) որակի ենթակառուցվածքի արդիականացման գործընթացի և դրա բարեփոխման իրականացման միաժամանակյա ընթացքի ապահովմանն ուղղված առաջարկությունների ներկայացումը,

5) որակի ենթակառուցվածքի բարեփոխման գործողությունների ծրագրերի և հաշվետվությունների քննարկումը և գնահատմանն ուղղված առաջարկությունների ներկայացումը,

6) անհրաժեշտ գործողությունների և/կամ միջոցառումների ծրագրերի և իրականացման ժամանակացույցերի մշակումը և Հայաստանի Հանրապետության կառավարության հաստատմանը ներկայացումը,

7) տեխնիկական կանոնակարգերի մշակման ամենամյա ծրագրի նախագծի վերաբերյալ համապատասխան առաջարկությունների ներկայացումը Հայաստանի Հանրապետության կառավարությանը,

8) տեխնիկական կանոնակարգերի մշակման, ընդունման կամ մերժման վերաբերյալ առաջարկությունների ներկայացումը Հայաստանի Հանրապետության կառավարությանը,

9) սպառողների սոցիալ տնտեսական պահաջների ու կարիքների հիման վրա տեխնիկական կանոնակարգերի մշակման գերակայությունների սահմանման նպատակով առաջարկությունների ներկայացումը Հայաստանի Հանրապետության կառավարությանը:

Խորհուրդը կարող է համագործակցել որակի ենթակառուցվածքի ոլորտում գործունեություն ծավալող միջազգային կազմակերպությունների հետ: