Սիրիահայերին օգնելու համար բանկային հաշվեհամար է բացվել

ՀՀ նախագահ, «Հայաստան» համահայկական հիմնադրամի հոգաբարձուների խորհրդի նախագահ Սերժ Սարգսյանի առաջարկով հիմնադրամի հոգաբարձուների խորհրդի նախագահությունը որոշել է ստեղծել առանձնացված բանկային հաշիվ սիրիահայությանն օժանդակելու համար:

Ինչպես տեղեկացնում են հիմնադրամի լրատվական ծառայությունից, «Հայաստան» հիմնադրամի վերահսկողության ներքո կուտակված գումարներն ամբողջությամբ կփոխանցվեն Սիրիայում հայ համայնքի ազգային իշխանությանը, և տեղում ստեղծված համակարգող մարմինն ինքը՝ ըստ նպատակահարմարության կբաշխի դրանք՝ ծագող խնդիրներին առավել արդյունավետ լուծում տալու նպատակով:

Ներկայումս Սիրիայում ստեղծված իրավիճակի հետևանքով տարբեր պետություններում անցկացվում են տարերային դրամահավաքներ, որոնց ընթացքում հավաքված գումարները կարող են փոշիանալ: Նման անցանկալի ընթացքից խուսափելու համար է, որ սիրիահայերին օգնել ցանկացող մեր բոլոր հայրենակիցներին ընձեռվում է հնարավորություն նվիրատվություններ կատարել առանձնացված դրամային և արտարժութային հետևյալ հաշվեհամարներին.

HSBC Bank Armenia

9, V. Sargsyan Str. Yerevan Armenia

SWIFT: MIDLAM22

ACC NO 001-002195-102 (USD)

ACC NO 001-002195-104 (EUR)

ACC NO 001-002195-001 (AMD)

Սիրիահայերի օժանդակության խնդիրների հետ կապված բոլոր հարցերով մեր հայրենակիցները կարող են դիմել ՀՀ սփյուռքի նախարարություն +37410 58 56 01 (107), ինչպես նաեւ զանգահարել «Հայաստան» համահայկական հիմնադրամ +37410 56 01 06 (105) հեռախոսահամարով: