Հարսնաքարի գործով տուժողների փաստաբանները պնդում են իրենց միջնորդությունները

Տուժող կողմի փաստաբան Տիգրան Եգորյանը ներկայացրեց պարզաբանումներ միջնորդությունների վերաբերյալ։ Մանավորապես անդրադառնալով համակարգիչների հիշողության կրիչների փորձաքննության և կենսաբանական փորձաքննության միջնորդություններին՝ նա նշեց, որ դրանով հնարավոր է պարզվի, որ մեղադրյալները «Հարսնաքար» ռեստորանային համալիրի աշխատակիցներ չեն, իսկ այդ դեպքում առաջ է գալիս կասկած այն մասին, որ նրանք ոչ միայն գործել են համակարգված, այլև նույնիսկ հրահանգավորվել են մեկ կենտրոնից:

Դատավորի այն պնդմանը, թե մեկ այլ գործով նշանակվել են փորձաքննություններ, Տիգրան Եգորյանը պատասխանեց, որ եթե իսկապես նշանակվել են, ապա դրանց արդյունքները պետք է կցվեն այս գործին։ Տիգրան Եգորյանը ևս մեկ անգամ պնդեց իրենց ներկայացրած միջնորդությունները։

Դատարանը հեռացավ միջնորդությունները քննարկելու։