Հայաստանում է Ռուսաստանի Հաշվիչ պալատի նախագահը

Աշխատանքային այցով Երևանում է ՌԴ Հաշվիչ պալատի նախագահ Սերգեյ Ստեպաշինի գլխավորած պատվիրակությունը: Երկու երկրների Բարձրագույն Վերահսկիչ կառույցների ղեկավարները այսօր մասնակցել են ՀՀ ՎՊ և ՌԴ ՀՊ խորհուրդների համատեղ նիստին:

Այցի շրջանակում է հաստատվել են «Հայաստան-Ռուսաստան պարենային ապրանքների ներմուծման և արտահանման կարգավորման հարցերի համատեղ վերահսկողության» արդյունքները: Համատեղ նիստում ամփոփվել է 2010-2012 թվականների համագործակցության ծրագիը:

Երկու երկրների վերահսկիչ կառույցների ղեկավարները ստորագրել են ՀՀ ՎՊ և ՌԴ ՀՊ 2013-2015 թվականների համագործակցության ծրագիրը: Նոր ծրագրով նախատեսվում է իրականացնել մի շարք վերահսկողական միջոցառումներ, ինչպես նաև փորձի և տեղեկատվության փոխանակմանն ուղղված համատեղ այլ աշխատանքներ:

Նշենք, որ ՀՀ և ՌԴ բարձրագույն վերահսկիչ մարմինների միջև համագործակցությունը սկսվել է դեռևս 2003թ-ից և մինչև այսօր իրականացվել են հետևյալ ծրագրերը.

1. Ռուս-Հայկական (Սլավոնական) համալսարան` 2004թ., 2012 թ.:

2. Ռուսաստանի Դաշնային անվտանգության ծառայության ՀՀ-ում Սահմանապահ Վարչությունում` 2004թ., 2007թ., 2010թ.:

3. Հայ-Ռուսական համատեղ մասնակցությամբ գործող կազմակերպությունների կողմից պետական բյուջեի հանդեպ պարտավորությունների կատարման, պետական բյուջեից հատկացված միջոցների և պետական սեփականության հանդիսացող գույքի օգտագործում` 2005թ.:

4. Հայաստան-Ռուսաստան պարենային ապրանքների ներմուծման և արտահանման կարգավորման հարցերի համատեղ վերահսկողություն` 2012թ.:

Իշխան Զաքարյանի ուղեկցությամբ Սերգեյ Ստեպաշինի գլխավորած պատվիրակությունը այցելել է Ծիծեռնակաբերդ՝ ծաղկեպսակ դրել Մեծ Եղեռնի զոհերի հիշատակը հավերժացնող հուշակոթողին: