Նոր ՀԴՄ-ների արժեքը 180 հազար դրամ է
Տնտեսություն
ՀԴՄ-ների վերաբերյալ կառավարության այսօրվա որոշումն ընդունելու անհրաժեշտությունը նախևառաջ պայմանավորված է Հայաստանի Հանրապետությունում հսկիչ-դրամարկղային մեքենաների կիրառման մասին օրենքի պահանջներով: Այս մասին այսօր լրագրողների հետ զրույցում ասաց ՀՀ կառավարությանն առընթեր պետական եկամուտների կոմիտեի նախագահի տեղակալ Վախթանգ Միրումյանը:
Մասնավորապես, համապատասխան օրենքի համաձայն՝ 2013թ. հունվարի 1-ից արդեն իսկ ամսական ԱԱՀ վճարողները պարտավոր են կիրառել նոր ՀԴՄ-ներ: «Որպես ամսական ավելացված արժեքի հարկ վճարողներ ճանաչվում են այն տնտեսվարող սուբյեկտները, ովքեր նախորդ օրացուցային տարվա ընթացքում ունեն ավելի քան 100 մլն դրամ հասույթ»,-ասել է Վախթանգ Միրումյանը: Ըստ նրա՝ նոր ՀԴՄ-ները կունենան օրական դրամական հաշվարկների վերաբերյալ տեղեկատվությունը հարկային մարմնին փոխանցելու հնարավորություն:
Միրումյանի փոխանցմամբ՝ նոր ՀԴՄ-ների ներդրումը լուծում է հարկային հասույթների հաշվառման խնդիրը, մասնավորապես, ՊԵԿ-ի կողմից իրականացվող վերահսկողական գործառույթների շրջանակներում: «Այսինքն՝ նոր ՀԴՄ-ների ներդրումը նախևառաջ պետք է լուծի ֆիսկալ հասույթների պաշտպանվածության խնդիրը տնտեսվարող սուբյեկտների մոտ»,-ասել է Վախթանգ Միրումյանը:
Նոր ՀԴՄ-ների արժեքը 180 հազար դրամ է: Վախթանգ Միրումյանը նշեց նաև, որ հնարավոր է՝ փոքր բիզնեսին տրամադրվեն անվճար նոր ՀԴՄ-ներ:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
