Օրենսդրությունը կմոտարկվի եվրոպականին

Արձանագրելով, որ Հայաստանում գործող գյուղատնտեսության և ագրովերամշակման ոլորտների օրենսդրությունն արդիականացման կարիք ունի, և հին ստանդարտներն ու պարտադիր սերտիֆիկացման պահանջները չեն համապատասխանում Առևտրի համաշխարհային կազմակերպության Առևտրի տեխնիկական խոչընդոտների (ԱՄԽ) համաձայնագրի պահանջներին՝ կառավարությունը քայլեր է ձեռարկում այդ ոլորտում բարեփոխումներ ուղղությամբ։

Ընդունված որոշմամբ հաստատվել է գյուղատնտեսության և ագրովերամշակման ոլորտների օրենսդրական դաշտը Եվրամիության օրենսդրական դաշտին մոտարկելու ծրագիրը, որը տեղական արտադրողի համար կապահովի թողարկվող արտադրանքի մրցունակության բարձրացում և ազատ մուտք արտաքին շուկաներ, որպես արդյունք` Հայաստանի տնտեսության զարգացում և սպառողների պաշտպանության բարելավում։

ՀՀ կառավարությունը ստեղծել է Որակի և տեխնիկական կանոնակարգման ազգային խորհուրդ, հաստատել դրա անհատական կազմը, կանոնադրությունը և գործունեության կարգը։ ՀՀ էկոնոմիկայի նախարարի ղեկավարությամբ գործող խորհուրդը նպատակ ունի խրախուսել որակի ենթակառուցվածքի քաղաքականության լիարժեք իրականացումը և Հայաստանի միջազգային ինտեգրումը։