Ռուսաստանում աշակերտուհին դանակով մոտ հարյուր հարված է հասցրել դասընկերուհուն՝ համակարգչային խաղի պատճառով (տեսանյութ)

ՌԴ Խիմկիում հինգերորդ դասարանի աշակերտուհին խոհանոցային դանակով մոտ հարյուր հարված է հասցրել դասընկերուհուն։  11-ամյա աշակերտուհին ծանր վիճակում հոսպիտալացվել է։ Այժմ բոլոր վերքերը մշակվել ու կարվել են, աղջիկը վերակենդանացման բաժանմունքում է, հայտնում է Lenta.ru-ն։

Հարձակվողին դեպքից անմիջապես հետո մեկուսացրել են դասարանում, և կանչել նրա ծնողներին։ Դրանից հետո նրան բերման են ենթարկել։ Հարուցվել է երկու քրեական գործ՝ սպանության փորձի և ուսումնական հաստատության պաշտոնատար անձանց անփութության փաստի առթիվ։

Հաղորդվում է, որ, նախնական տվյալներով, հարձակման պատճառ է հանդիսացել համակարգչային խաղը։ Նախկինում աղջիկները մտերիմ ընկերներուհիներ են եղել։