Գռեհիկ, անմիտ քննարկումներ ԱԺ դահլիճում՝ էն պարագայում, երբ մենք լրջագույն վտանգների առաջ ենք. Վահե Հովհաննիսյան
Բլոգոսֆերա
Ի՞նչ կապ ունի այս խորհրդարանը Հայաստանի հետ, այս ժողովրդի հետ։ Ի՞նչ կապ ունի այստեղ ապրող մարդկանց հետ։ Ի՞նչ կապ ունի մեր առջև կանգնած պատմական ռիսկերի հետ։ Ոչ մի։ Այս մասին թելեգրամում գրել է Վահե Հովհաննիսյանը.
«Գռեհիկ, անմիտ քննարկումներ ԱԺ դահլիճում՝ էն պարագայում , երբ մենք լրջագույն վտանգների առաջ ենք։
Իշխանության ղեկավարը մի քանի ծայրահեղ վտանգավոր միտք է հնչեցնում նույն ԱԺ-ում՝ զրո ռեակցիա, արտգործնախարարը նոր էսկալացիայի ռիսկի մասին է խոսում՝ զրո ռեակցիա։
Պատահական մեծամասնության ներկայացուցիչները 8-րդ դասարանի պատկերացումներով ելույթներ են ունենում։
Ինչպե՞ս է որոշվել, որ ընդդիմադիր խմբակցությունը «քաղաքական բլյուտենով» մի փուլ մասնակցում է, մի փուլ՝ չի մասնակցում ԱԺ նիստերին։ Ո՞վ է որոշել, որ ընդդիմությունն այս պահին պետք է ակտիվ մասնակցի ինչ-որ հանձնաժողովի նախագահի ընտրության հարցին։
Ո՞ր ընտրազանգվածն է ընդդիմությանը լիազորել ՔՊ-ի հետ խանդավառ լեզվակռվի։ Ի՞նչ կապ ունի այս ամենը մեր պետության հետ։
Սա շատ լուրջ թեմա է, որովհետև այս դատարկության պայմաններում պետություն պահելու ողջ բեռը լուռ կոնսեսուսով դարձյալ թողնվում է 18-20 տարեկանների, բանակի վրա։
Բովանդակային դատարկության ու մեր անելիքի մասին ավելի մանրամասն՝ իմ վաղվա հոդվածում»։
ՈՒՂԻՂ ԵԹԵՐ
Ամենադիտված 
Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը
