Հազարավոր մարդիկ ցանկանում են որդեգրել Սիրիայում հրաշքով փրկված նորածին աղջկան
ՏեսանյութերՀազարավոր մարդիկ ցանկանում են որդեգրել աղջնակին, որը ծնվել է Սիրիայի հյուսիս-արևմուտքում երկրաշարժից հետո փլուզված շենքի փլատակների տակ և հրաշքով փրկվել, հայտնում է BBC News-ը։
Երբ նրան գտան, փոքրիկ Այան, որը արաբերենից թարգմանաբար նշանակում է «հրաշք», դեռևս պորտալարով կապված էր մորը:
Նրա մայրը, հայրը և չորս եղբայրներն ու քույրերը զոհվել են Ջինդաիրիս քաղաքում տեղի ունեցած երկրաշարժի հետևանքով։ Ինքը՝ Այան, այժմ հիվանդանոցում է։
«Նա երկուշաբթի հոսպիտալացվել է այնքան վատ վիճակում, նա ուներ կապտուկներ, հիպոթերմիա և հազիվ էր շնչում», - ասում է Հանի Մարուֆը՝ նրան խնամող մանկաբույժը: Աղջկա վիճակըն այժմ կայուն է։
Այային փրկելու տեսանյութը տարածվել է սոցիալական ցանցերում: Կադրերում երեւում է, թե ինչպես է փլուզված շենքի տակից դուրս գալիս մի տղամարդ՝ փոշով պատված երեխային գրկում պահած:
Հեռավոր ազգական Խալիլ ալ-Սուվադին, ով գտնվում էր Այայի տան փլուզման վայրում, նորածին աղջկան բերել է Սիրիայի Աֆրին քաղաք՝ բժիշկ Մարուֆի մոտ։
Սոցցանցերում հազարավոր մարդիկ այժմ հետաքրքրված են, թե ինչպես կարելի է որդեգրել հրաշքով փրկված երեխային։
Հիվանդանոցի մենեջեր Խալիդ Աթիան ասում է, որ արդեն տասնյակ զանգեր է ստացել աշխարհի տարբեր ծայրերում գտնվող մարդկանցից, ովքեր ցանկանում են որդեգրել Այային:
Բժիշկ Աթիան, ով Աայից ընդամենը չորս ամսով մեծ դուստր ունի, ասել է. «Քանի դեռ նրա հեռավոր հարազատները չեն վերադարձել, ես կխնամեմ նրան ինչպես իմ սեփական աղջկա պես»։
Միաժամանակ Այայի հայրենի Ջինդաիրիսում մարդիկ շարունակում են փլված շենքերում փնտրել իրենց սիրելիներին։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
