Փանիկի բնակիչը պահել և օգտագործել է թմրանյութ․ նա ձերբակալվել է (տեսանյութ)
ՏեսանյութերՓետրվարի 8-ին ոստիկանության Արթիկի բաժնում հավաստի տեղեկություն է ստացվել, որ Փանիկ գյուղի մի բնակիչ պահում և օգտագործում է թմրանյութ:
Իրացնելով տեղեկությունը՝ ոստիկանները Փանիկում հայտնաբերել, ձերբակալել և բաժին են տեղափոխել նրան, իսկ վարած ավտոմեքենան տեղափոխել են բաժնի պահպանվող հատուկ տարածք: Ձերբակալվածը իրավապահներին ներկայացրել է մեքենայում պահած ծխախոտի երկու տուփ, որոնցից մեկում մարիխուանայի նմանվող զանգված էր, մյուսում՝ սև և կանաչավուն հետքերով 2 կաթուցիչ:
Դեպքի հանգամանքները նախաքննությամբ պարզվում են:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Ամենադիտված 
Մնաս բարյավ. Րաֆֆի Հովհաննիսյան
