«Նիկոլին սպասվում են բազմաթիվ քրգործեր, Ավինյանն էլ դատվելու է կորոնավիրուսի պանդեմիայի համար»

Իտալիայի նախկին վարչապետ Ջուզեպպե Կոնտեն կորոնավիրուսի համաճարակի առաջին ամիսներին երկրի իշխանությունների գործողությունների վերաբերյալ քրեական գործով կասկածյալի կարգավիճակ է ստացել, քանզի կառավարությունը ժամանակին միջոցներ չի ձեռնարկել Բերգամոյի մի շարք բնակավայրերում կարանտին մտցնելու համար, որտեղ գրանցվել է մահացության ամենաբարձր ցուցանիշներից մեկը։ Այս մասին ֆեյսբուքյան իր էջում գրել է Արմեն Աշոտյանը։

«Բերգամո քաղաքի դատախազությունը կարծում է, որ իշխանությունները ժամանակին որոշում չեն կայացրել Բերգամոյի շրջանի մի շարք բնակավայրեր ներառել կարմիր գոտում այն բանից հետո, երբ այնտեղ հայտնաբերվել են վարակի առաջին դեպքերը, որն արդյունքում հանգեցրել է վարակի կտրուկ աճի։

Ինչո՞վ է այս նորությունը հատկանշանակ։

Հայաստանը կորոնավիրուսի համաճարակի ժամանակ հատել էր սև ռեկորդակրի բոլոր սահմանները տարածաշրջանում և աշխարհում՝ մահացության ամենաբարձր ցուցանիշով և հիվանդացություններով։

Նիկոլ Փաշինյանը կորոնավիրուսի համաճարակի առաջին իսկ օրերից կատակի էր տալիս և հանցավոր կերպով շարունակում իր՝ սահմանադրական խեղկատակության քարոզարշավը՝ «պինցետով հանելու ենք, արաղով դեզինֆեկցիա անենք, կորոնավիրուսն ում շունն է» հայտարարություններով և այլն։