92-ամյա մեդիամագնատ Ռուպերտ Մերդոկը հայտարարել է իր նշանադրության մասին

Մեդիամագնատ Ռուպերտ Մերդոկն ամուսնության առաջարկություն է արել իր սիրելիին՝ 66-ամյա Էն Լեսլի Սմիթին։ Այս մասին նա ասել է The New York Post-ի իր խմբագրությանը տված հարցազրույցում։

92-ամյա Ռուպերտ Մերդոկի խոսքով՝ նշանադրությունը տեղի է ունեցել Նյու Յորքում՝ Սուրբ Պատրիկի օրը։

«Ես շատ էի նյարդայնանում։ Ես վախենում էի սիրահարվել, բայց գիտեի, որ սա վերջին անգամն է լինելու: Հուսով եմ, որ այդպես էլ կլինի: Ես երջանիկ եմ»,- ասել է մեդիամագնատը։

Ռուպերտ Մերդոկի հարսնացուն, ով նախկինում որպես կապելան է ծառայել Սան Ֆրանցիսկոյի ոստիկանությունում, հրատարակությանը պատմել է, որ այրիացել է 14 տարի առաջ։ Նրա հանգուցյալ ամուսին Չեսթեր Սմիթը եղել է քանթրի երգիչ, ինչպես նաև ռադիո և հեռուստատեսային պրոդյուսեր:

«Ռուպերտի պես ամուսինս էլ գործարար էր։ Նա աշխատել է տեղական թերթերում, զարգացրել է ռադիոն և հեռուստատեսությունը, օգնել է առաջ մղել Univision-ը (ամերիկյան հեռուստաընկերություն, որը հաղորդումներ է հեռարձակում իսպաներեն): Այսպիսով, ես խոսում եմ Ռուպերտի լեզվով: Մենք կիսում ենք նույն տեսակետները»,- ասել է Էն Լեսլի Սմիթը:

Մեդիամագնատը նաև պատմել է, որ իր հարսնացուին հանդիպել է գինեգործարանում անցյալ տարի, երբ խմբով գնացել էր հյուրախաղերի։

«Ես տեսա նրան, և մենք մի փոքր խոսեցինք: Երկու շաբաթ անց ես զանգահարեցի նրան»,- պատմել է Ռուպերտ Մերդոկը:

Նա եզրափակել է՝ «Մենք անհամբերությամբ սպասում ենք մեր կյանքի հաջորդ կեսը միասին անցկացնելուն»:

Հարսանիքը նախատեսված է ամռանը։