108-ամյա կինը բացահայտել է իր երկարակեցության գաղտնիքը

Մեծ Բրիտանիայի բնակչուհին նշել է 108-ամյակը և բացահայտել իր երկարակեցության գաղտնիքը։ Այս մասին հայտնում է MyLondon-ը։

Լոնդոնից Մերի Էն Քլիֆթոնը ծնվել է 1915 թվականի մարտի 16-ին։ Կինը միշտ սիրել է գեղեցիկ հագուստ և երիտասարդ տարիքից բրիտանական մայրաքաղաքում դերձակ է աշխատել։ Հետագայում աշխատել է մորը պատկանող տպարանում։ Քլիֆթոնը հանդիպել է իր ապագա ամուսնուն, երբ իրենք երկուսն էլ 12 տարեկան էին, և ամբողջ կյանքն ապրել են միասին։

Երբ 108-ամյա Քլիֆթոնին խնդրել են նշել իր երկարակեցության գաղտնիքը, նա կատակել է, որ ամեն ինչ կապված է իր սիրելի ալկոհոլային խմիչքների և խմելու ճիշտ ժամանակի ընտրության հետ: Կինն ասել է, որ սիրում է ճաշի ժամանակ խմել: «Ավելի շատ աշխատեք, բայց էլ ավելի շատ զվարճացեք: Քրտնաջան աշխատանքը երբեք ոչ մեկին չի վնասել»,- ասել է նա:

Քլիֆթոնն ունի երկու երեխա, չորս թոռ, տասը ծոռ և յոթ ծոռի ծոռ։ Foxbridge House տարեցների համար նախատեսված պանսիոնատի ադմինիստրացիան Քլիֆթոնի պատվին կազմակերպել է հանդիսավոր թեյախմություն, որին նրան նվիրել են Չարլզ III թագավորի շնորհավորական բացիկը։