Նույնիսկ մահից հետո շարունակում են վաստակել միլիոններ

Forbes ամսագիրն այս անգամ կազմել է մահացած ճանաչված մարդկանց հիթ-շքերթը, որոնք մահվանից հետո էլ շարունակում են վաստակել միլիոնավոր դոլարներ:Այդ ցուցակը գլխավորել է Էլիզաբեթ Թեյլորը, հայտնում է cosmo.ru-ն: 

Հոլիվուդի թագուհին մահացել է 2011 թվականի մարտին՝ 79 տարեկան հասակում:  Այդ օրվանից ի վեր՝ ըստ ամսագրի տվյալների, Թեյլորի ազգականները վերջինիս անվան շնորհիվ վաստակել են ավելի քան 210 ԱՄՆ միլիոն դոլար, որի մեծ մասը ստացվել է դերասանուհու զարդերի, հանդերձների և աքսեսուարների վաճառքից:

Իսկ ահա շահույթի մնացած մասը կազմում են տեսանկարահանման հոնորարները, ինչպես նաև հանգուցյալ Թեյլորի՝ «Սպիտակ ադամանդներ» ապրանքանիշով օծանելիքների վաճառքից ստացված գումարը: 

Ցուցակի երկրորդ հորիզոնականում Մայքլ Ջեքսոնն է, ով մահացել է 2009 թվականին: Այդ օրվանից ի վեր նա վաստակել է 145 միլիոն ԱՄՆ դոլար:

Ի դեպ Forbes-ը կանխատեսում է, որ հաջորդ տարի փոփ արքային կհաջողվի վերադարձնել ամենահարուստ նահատակների ցուցակի իր առաջին հորիզոնականը, որը նա զբաղեցնում էր անցյալ տարի: Դա կապված է նրա հետ, որ Ջեքսոնի ալբոմը շարունակում է մեծ պահանջարկ վայելել:

Այս ցանկի երրորդ հորիզոնականում Էլվիս Փրեսլին է, ով մահացել է 35 տարի առաջ, սակայն դեռ շարունակում է գումար վաստակել, որն այս տարի կազմել է 55 միլիոն ԱՄՆ դոլար: