ՀՀ իշխանություններն անցան «կարմիր գծերին». ավտոկայանումը Երեւանի կենտրոնում կթանկանա

Երեւանի կենտրոնում ավտոկայանումն ավելի թանկ կլինի, քան կայանատեղիներն արվարձաններում։ Այս մասին Ազգային ժողովում, տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության խորհրդարանական մշտական հանձնաժողովի նիստում, «Ավտոտրանսպորտային միջոցների կայանատեղիի վարձի եւ վարչական վարույթի առանձնահատկությունների մասին» օրենքում փոփոխություններ մտցնելու օրինագծի երկրորդ եւ վերջնական ընթերցման ժամանակ, սեպտեմբերի 6-ին հայտարարել է տարածքային կառավարման եւ ենթակառուցվածքների փոխնախարար Արմեն Սիմոնյանը։

Մասնավորապես, իշխանություններն առաջարկում են փոխել վճարովի կայանատեղիների գույնը՝ «կարմիր գույնը», ինչպես նաեւ վճարի չափը։ Նախագծի համաձայն՝ Երեւանի ներկայիս իդենտիկ ավտոկայանատեղիները նախատեսվում է սահմանազատել ըստ դրանց նշանակության՝ հաշմանդամ վարորդների համար կլինի ճանապարհանշման մեկ գույն, ծառայողական ավտոմեքենաների համար՝ մեկ այլ, իսկ շարքային քաղաքացիների համար՝ երրորդ գույն։

Ընդ որում՝  այս կամ այն ավտոկայանատեղիի գտնվելու վայրը կազդի գնագոյացման վրա։ Նոր սակագները կսահմանվեն գոյություն ունեցող գոտեւորման համապատասխան։