Հայտնի է՝ ընդհանուր առմամբ քանի զինվորական կմասնակցի հայ-ամերիկյան զորավարժություններին

Sեպտեմբերի 11-20-ը  85 ամերիկացի և 175 հայ զինվորականներ կմասնակցեն Հայաստանում անցկացվող «EAGLE PARTNER-2023» հայ-ամերիկյան համատեղ զորավարժություններին։ Այդ մասին Reuters-ին հայտնել Է ԱՄՆ պաշտպանության նախարարության ներկայացուցիչը:

Նրա խոսքով, ամերիկացի զինվորականների կազմում կլինեն նաև Կանզասի ազգային գվարդիայի ներկայացուցիչներ, որոնք արդեն 20 տարի համագործակցում են Հայաստանի հետ։ Զորավարժությունների ընթացքում ԱՄՆ զինվորականները կկիրառեն փոքր զինատեսակներ և չեն օգտագործի ծանր զինտեխնիկա։

Զորավարժության նպատակն է բարձրացնել խաղաղապահ գործողությունների շրջանակներում միջազգային խաղաղապահ առաքելություններին մասնակցող ստորաբաժանումների համակարգման մակարդակը, հրամանատարության և վերահսկման և մարտավարական հաղորդակցության ոլորտում լավագույն փորձի փոխանակումը, ինչպես նաև հայկական ստորաբաժանման պատրաստվածության բարձրացումը:

Խաղաղապահ առաքելություններին նախապատրաստվելու շրջանակներում միջազգային խաղաղապահ գործողություններին նախապատրաստվող ստորաբաժանումները կանոնավոր կերպով մասնակցում են գործընկեր երկրներում նմանատիպ համատեղ զորավարժություններին և վարժանքներին: