Ջո Ջոնասն ու Սոֆի Թերներն ամուսնալուծվում են

Դերասանուհի Սոֆի Թերներն ու երգիչ Ջո Ջոնասն առաջին անգամ են խոսել իրենց ամուսնալուծության մասին։ Այդ մասին նրանք գրել են սոցցանցերում։

Անձնական բլոգներում Սոֆի Թերները և Ջո Ջոնասը հրապարակել են գրառումներ, որոնցում հաստատել են բաժանման մասին լուրերը։

Սեպտեմբերի 3-ին հայտնի դարձավ, որ «Գահերի խաղը» սերիալի աստղ Սոֆի Թերները բաժանվում է ամուսնուց՝ դերասան և երաժիշտ Ջո Ջոնասից։ Ըստ լրագրողների՝ զույգի ամուսնալուծության պատճառը հարաբերություններում «լուրջ խնդիրներն» են։

27-ամյա Սոֆի Թերները և 34-ամյա Ջո Ջոնասը գաղտնի ամուսնացել են Լաս Վեգասում 2019 թվականի հունիսին, իսկ 2020 թվականի հուլիսին արտիստներն առաջին անգամ ծնողներ են դարձել։ Զույգը դուստր է ունեցել, ում անվանել են Վիլլա։ 2022 թվականի հուլիսին Սոֆի Թերները երկրորդ դուստրն է ունեցել, որի անունը զույգը դեռևս չի հրապարակել։