Ավստրալիայի երկնքում հզոր պայթյունն ու լույսի բռնկումը վախեցրել է մարդկանց (տեսանյութ)
ՏեսանյութերԱվստրալիայի բնակիչներին վախեցրել է հզոր պայթյունն ու երկնքում լույսի բռնկումը, գրում է New York Post-ը։
Միջադեպի ականատեսների վկայությամբ՝ երեկոյան ժամը իննի մոտ երկնքում բռնկում են տեսել, ապա ուժեղ պայթյուն լսել։ Չհասկանալով, թե ինչ է տեղի ունեցել, մարդիկ սկսել են տեղեկություն փնտրել սոցիալական ցանցերում։
Քիչ հետո Ավստրալիայի ազգային համալսարանի աստղագետ Բրեդ Թակերն ասել է, որ աստերոիդի բեկոր է այրվել երկրագնդի մթնոլորտում։
«Քանի որ այն շատ արագ է շարժվում, երբ բախվել է երկրագնդի մթնոլորտին, մարդիկ լսել են հենց այս ձայնային հարվածը»,- ասել է մասնագետը։
Աստղագետը հավելել է, որ որքան փոքր է աստերոիդը, այնքան ավելի դժվար է այն հայտնաբերել։ Ամենայն հավանականությամբ, այս երկնային մարմնի բեկորներն այրվել են մթնոլորտում և չեն հասել Երկրի մակերեսին։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
