Խաղաղ է, այս պահին լարվածություն չկա. ԵՄ առաքելությունը Եղեգնաձորում նոր գրասենյակ բացեց
ՔաղաքականԵՄ դիտորդական առաքելությունը Եղեգնաձորում նոր գրասենյակ բացեց՝ տեղեկացնելով՝ պարեկների թիվն այս պահին հասնում է 1000-ի, դիտորդներինը՝ 100-ի։
Ընդգծելով, որ այս տարածաշրջանն արժանի է տևական խաղաղության և կայունության՝ առաքելության ղեկավար Մարկուս Ռիտերը հույս հայտնեց, որ միասին կկարողանան նպաստել այդ նպատակի իրականացմանը։
Ռիտերը տեղեկացրեց, որ ԵՄ առաքելությանը միացել է Կանադան և որ ընդլայնման հարցը կքննարկվի Բրյուսելում մինչև տարեվերջ։
«Ազատության» դիտարկմանը, թե առաքելությունը զեկույցներն ուղիղ Բրյուսել է ուղարկում և հարցին, թե այդուհանդերձ կարո՞ղ է ասել՝ այս պահին ի՞նչ վիճակ է սահմանին, Ռիտերը պատասխանեց․ - «Խաղաղ է, այս պահին լարվածություն չկա»։