ԱՄՆ Ֆլորիդայում օդաչուն ընկել է կոկորդիլոսներով լի ճահիճը (տեսանյութ)
ՏեսանյութերԱՄՆ Ֆլորիդա նահանգում թեթև ինքնաթիռը կործանվել և ընկել կոկորդիլոսներով լի ճահիճը։ Օդաչուին ուղղաթիռով փրկելը տեսագրվել է, հաղորդում է CBS Miami-ն։
Միջադեպը տեղի է ունեցել երեքշաբթի լույս հոկտեմբերի 31-ի գիշերը։ Աղբյուրի համաձայն՝ մոտավորապես ժամը 4:00-ին Cessna Skyhawk 172M ինքնաթիռի օդաչուն ընկել է Էվերգլեյդս ազգային պարկում գտնվող ճահիճը։ Վթարի հետևանքով վնասվել է նրա ոտքը և պահանջվել է շտապօգնություն:
Փորձագետները գնահատել են իրավիճակը և որոշել, որ տղամարդուն փրկելու համար ուղղաթիռ է անհրաժեշտ։
Թիմը դեպքի վայր է ժամանել վթարից ինը ժամ անց։ Հրապարակված կադրերից երեւում է, որ օդաչուն սպասում էր նրանց՝ գրեթե խորտակված ինքնաթիռի վրա նստած։ Փրկարարը պարանով իջել է օդաչուի մոտ և կապել նրան, որից հետո տուժածին բարձրացրել են խցիկ։ Տղամարդուն ի վերջո տեղափոխել են հիվանդանոց։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
