Լոնդոնում ձերբակալել են էկոակտիվիստներին՝ «Հայելիով Վեներան» նկարի ապակին կոտրելու համար
ՏեսանյութերԼոնդոնում բնապահպան ակտիվիստներին բերման են ենթարկել Ազգային պատկերասրահում Դիեգո Վելասկեսի «Հայելիով Վեներան» նկարի ապակին կոտրելու համար։ Այս մասին ասվում է X սոցիալական ցանցում (նախկինում՝ Twitter) հրապարակված Լոնդոնի ոստիկանության հաղորդագրության մեջ։
Ձերբակալվածներից երկուսը պատկանում են «Just Stop Oil» շարժմանը։ Նրանք օգտագործել են մուրճեր՝ ապակին վնասելու համար։ Նրանք ձերբակալվել են գույքը վնասելու համար։
Daily Mail թերթը տարածել է կադրեր, որտեղ երևում է, որ երկու տղամարդ՝ «Just Stop Oil» գրությամբ սպիտակ շապիկներ հագած՝ ցատկում են անվտանգության պատնեշի վրայով և մուրճերով հարվածում նկարի ապակուն:
Ձերբակալությունից հետո բնապահպան ակտիվիստները բացատրել են, որ ակցիան պատասխան է բրիտանական կառավարության՝ նավթի արդյունահանման թույլտվությունների քանակն ավելացնելու ծրագրերին։
Նկարը հանվել է ցուցադրությունից՝ վերականգնողների կողմից ստուգման համար:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
