Վաղարշապատի ոստիկանները ապօրինի թմրանյութ պահելու դեպքեր են բացահայտել
ՏեսանյութերՆոյեմբերի 5-ին ոստիկանության Վաղարշապատի բաժնի քրեական հետախույզները, իրացնելով օպերատիվ տեղեկությունները, Էջմիածին քաղաքի Կոմիտասի հրապարակում ապօրինի թմրանյութ պահելու և օգտագործելու կասկածանքով ձերբակալել ու բաժին են տեղափոխել Էջմիածնի 24-ամյա մի բնակչի:
Նրա խուզարկությամբ հայտնաբերվել են ընդհանուր 3,91 գրամ մարիխուանայի նմանվող զանգվածով 3 փաթեթ և 3,52 գրամ կիսամոխրացած զանգվածով կաթուցիչ: Երիտասարդն իրավապահներին հայտնել է, որ հայտնաբերվածը թմրանյութ է՝ պատրաստված վայրաճ բույսերից:
Ոստիկանության Վաղարշապատի բաժնի քրեական հետախույզները տեղեկություններ էին ստացել, որ Աղավնատուն գյուղի 63-ամյա մի բնակիչ տանը, տնամերձ հողամասում ու կից օժանդակ շինություններում կանեփ է աճեցնում ու թմրանյութ պահում: Նոյեմբերի 6-ին իրավապահները մեկնեցին նշված հասցե: Տղամարդը նրանց հայտնել է, որ ունի կանեփից պատրաստված չոր զանգված:
Վաղարշապատի քննչական բաժնում նախաձեռնվել է քրեական վարույթ, որի շրջանակում տղամարդը ոստիկաններին է ներկայացրել 3,41 կգ ընդհանուր քաշով մարիխուանային նմանվող զանգվածի 2 փաթեթ: Նա հայտնել է, որ զանգվածը թմրանյութ է՝ պատրաստված վայրաճ բույսերից:
Դեպքերի առթիվ կազմված փաստաթղթերն ուղարկվել են Վաղարշապատի քննչական բաժին:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
