«Ես չէի». Բայդենը կատակել է, երբ իր ելույթի ժամանակ ինչ-որ բան է ընկել (տեսանյութ)
ՏեսանյութերԱՄՆ նախագահ Ջո Բայդենը հումորով է արձագանքել իր հրապարակային ելույթի ժամանակ դահլիճում հնչող ձայնին։ Ամերիկայի նախագահն անմիջապես հանգստացրել է բոլորին ու ասել, որ դա ինքը չէր՝ ակնարկելով նախկինում իր հետ պատահած զավեշտալի դեպքերը։
«Լա՞վ եք։ Ես ուզում եմ՝ լրագրողներն իմանան, որ դա ես չէի», - ասել է Սպիտակ տան ղեկավարը։
Բայդենի կատակն արժանացել է հանդիսատեսի ծիծաղին ու ծափերին։
Հիշեցնենք, որ ԱՄՆ ներկայիս նախագահը տարբեր իրադարձությունների ժամանակ հաճախ է հայտնվում զվարճալի իրավիճակներում։
Այսպես, հունիսի 1-ին ամերիկյան ռազմաօդային ուժերի ակադեմիայի ավարտական արարողության ժամանակ ԱՄՆ 80-ամյա նախագահն ընկել է՝ սայթաքելով ավազի սև պարկի վրա, բայց արագ վեր է կացել։
Այս տարվա փետրվարի 22-ին նախագահ Բայդենը Վարշավայի օդանավակայանում ինքնաթիռ նստելիս սայթաքել է և ընկել աստիճանների վրա։
Նման տարօրինակությունները բերում են այն թեզին, որ իր տարիքի պատճառով՝ Բայդենն ի վիճակի չէ կատարել նախագահի պարտականությունները։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
