Ձեր հետևից գալու են՝ կլինի այս, թե հաջորդ գիշերը. Վահագն Ալեքսանյան (տեսանյութ)
ՔաղաքականՄեզ տեղեկություններ են հասնում, որ ՀՀ քաղաքացիներից բժշկական հաստատություններում կանխիկ գումարներ են ուզում՝ անկախ նրանից, քաղաքացին ենթակա է պետպատվերով բուժման, թե ոչ։ Այս մասին, այսօր՝ նոյեմբերի 14-ին, ԱԺ հայտարարությունների ժամին ասաց «Քաղաքացիական պայմանագիր» խմբակցության պատգամավոր Վահագն Ալեքսանյանը։
Դիմելով քաղաքացիներին՝ իշխանական պատգամավորը հայտարարեց, երբ բուժհաստատությունում կանխիկ ձեզանից անգամ 10 դրամ են պահանջում, դա կոռուպցիայի դրսևորում է:
«Այդ գումար ուզող մարդը գողանում է այդ գումարը, որովհետեւ Հայաստանում բոլոր բժշկական ծառայությունները կատարվում են անկանխիկ եղանակով։ Զարմացած եմ, որ այդ երևույթն այսքան համատարած բնույթ է կրում Հայաստանում։ Սա թե՛ առողջահական համակարգի, թե՛ իրավապահ մարմինների բացթողումն է»,- նկատեց պատգամավորը։
«Հայաստանը երկար ժամանակ է կանգնած է անվտանգային մի շարք խնդիրների առջեւ եւ մեր քաղաքական թիմը, քաղաքական վերնախավը կենտրոնացած է անվտանգային խնդիրների վրա, բայց ինձ մոտ տպավորություն է, որ սրանից օգտվում են տարատեսակ ցածր ու միջին օղակի երեւույթներ, որոնք կարծում եմ, որ դա իրենց հնարավորություն է տալիս ՀՀ-ում զբաղվել կոռուպցիայով:
Ես ձեզ ասում եմ ոչ այդքան հարգելի կոռուպցիոներներ՝ անկախ նրանից, թե դուք որտեղ եք աշխատում, ինչ հաստիք եք զբաղեցնում, ինչ կապեր ունեք, ձեր հետևից միանշանակ գալու են, առանց ակսկածի: Եթե այսօր գիշերը չգան, վաղը գիշերն են գալու։ Ես ամեն ինչ անելու եմ, որ ձեր հետևից գան և պետք է գան»,- նշեց նա։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
