Երգչուհի Շակիրան պատմել է, թե ինչ է սովորել Պիկեից բաժանվելուց հետո

Կոլումբիացի երգչուհի Շակիրան, պատասխանելով կատալոնական «Բարսելոնայի» նախկին ֆուտբոլիստ Ժերար Պիկեի հետ բաժանվելու մասին հարցին, ասել է, որ նախկինում իրեն ավելի փխրուն էր համարում, հաղորդում է Hola-ն։

«Ես մեկ դաս քաղեցի։ Ես ինձ շատ ավելի փխրուն էի համարում, քան իրականում էի: Ես հասկացա, որ մարդիկ մեծ տոկունություն ունեն և կարող են հաղթահարել ամեն ինչ»,- ասել է Շակիրան։

Շակիրան և Պիկեն սկսել են հանդիպել 2010 թվականին։ Երկու տարի անց ծնվեց նրանց առաջնեկը՝ Միլանը, իսկ երկու տարի անց՝ երկրորդ որդին՝ Սաշան։ 2022 թվականի ամռանը երգչուհին լքեց ֆուտբոլիստին նրա դավաճանության պատճառով։