Ոստիկանության Կոտայքի բաժնի ծառայողները հայտնաբերել են աննախադեպ քանակի զենք-զինամթերք

SHAMSHYAN.com-ի տեղեկություններով՝ ՀՀ Ներքին գործերի նախարար Վահե Ղազարյանի, ՀՀ ոստիկանության պետ, ՀՀ ՆԳ նախարարի տեղակալ, ոստիկանության գեներալ-մայոր Արամ Հովհաննիսյանի գլխավորությամբ վերջերս ոստիկանությունում տեղի ունեցած կոլեգիայի ընդլայնված նիստի ժամանակ ՆԳ նախարարն ու ՀՀ ոստիկանապետը հատուկ և խիստ հանձնարարականներ են տվել ոստիկանության ղեկավար կազմին, ինչպես նաև մարզային վարչությունների ու բաժինների պետերին, որ իրենց ամենօրյա հսկողության տակ են վերցնում այնպիսի հանցատեսակների դեմ պայքարի աշխատանքները, որոնց կանխման ու նախականխման մեջ մեծ դեր պետք է ունենան ոստիկանության բաժինների քրեական հետախուզության և համայնքային բաժանմունքների ծառայողնեերը, որ պարտադիր պետք է կամ օպերատիվ տեղեկություններով կամ քաղաքացիների հետ բացատրական աշխատանքներ կատարեն և հայտնաբերեն ապօրինի զենք ու զինամթերք, անգամ կոլեգիայի նիստի ժամանակ Վ. Ղազարյանն ու Ա. Հովհաննիսյանը հերթական անգամ հնչեցրել են, որ քաղաքացիներին հորդորեն և վստահեցնեն, որ եթե իրենց մոտ պահվող ապօրինի զենքն ու զինամթերքը ինքնակամ հանձնեն իրավապահներին և եթե պարզվի, որ այդ զենքերով քրեորեն պատժելի հանցագործություններ տեղի չեն ունեցել, ապա քաղաքացին ազատվում է քրեական պատասխանատվությունից:

Ինչպես հայտնում է ֆոտոլրագրող Գագիկ Շամշյանը, վերջին ամիսներին ՀՀ ՆԳՆ ոստիկանության Կոտայքի բաժնի քրեական հետախուզության և համայնքային ոստիկանության բաժանմունքների ծառայողները հսկայածավալ աշխատանքներ են կատարել ապօրինի զենք-զինամթերքի հայտնաբերման, ինչպես նաև քաղաքացիների կողմից ինքնակամ ոստիկանության Կոտայքի բաժին են ներկայացվել զենք-զինամթերք: