ՀՀ դիմումը բավարարվեց․ Ադրբեջանը խախտել է էթնիկ ծագմամբ հայերի որոշ իրավունքներ

ՄԱԿ-ի Արդարադատության միջազգային դատարանը հրապարակել է «Հայաստանն ընդդեմ Ադրբեջանի» գործով ժամանակավոր միջոցների կիրառման վերաբերյալ իր որոշումը։ 

Դատավորների քվեարկությամբ (13 «կողմ» և 2 «դեմ» ձայներ) կայացվել է հետևյալ որոշումը.

- Ադրբեջանը պարտավոր է ապահովել Ղարաբաղը լքած հայերի իրենց տներ ազատ վերադառնալու հնարավորությունը։

- Ապահովել Ադրբեջանից անարգել ելքի հնարավորությունը նրանց համար, ովքեր ցանկանում են լքել Ղարաբաղը։

- Ապահովել նրանց իրավունքները, ովքեր մնացել են Ղարաբաղում ապրելու և նրանց, ովքեր մտադիր են վերադառնալ։ Ադրբեջանը պետք է ապահովի բոլոր փաստաթղթերի անվտանգությունը, որոնք վերաբերում են անշարժ գույքի և Ղարաբաղում բնակվող ազգությամբ հայ բոլոր անձանց անձը հաստատող փաստաթղթերին։

- 8 շաբաթվա ընթացքում հանրային քննարկման ներկայացնել  ձեռնարկված միջոցառումների եւ վերոհիշյալ կատեգորիայի հայերի իրավունքների ապահովման վերաբերյալ հաշվետվություն։

Դատարանը հիմնավոր է համարել, որ 2023թ. սեպտեմբերի 19-ի գործողությունների արդյունքում Ադրբեջանը խախտել է էթնիկ ծագմամբ հայերի որոշ իրավունքներ։ Դատարանը հետևաբար հիմնավոր է համարում որ կապ կա ծագումով հայերի իրավունքների և ՀՀ կողմի դիմումի, այն է ժամանակավոր միջոցների կիրառման համար