Մոսկվայում զանգվածային ծեծկռտուքից հետո բերման է ենթարկվել 139 մարդ (տեսանյութ)

ՌԴ–ում իրավապահները ձերբակալել են 139 մարդու՝ Մոսկվայի Սվիբլովո թաղամասում գտնվող շինհրապարակում տեղի ունեցած զանգվածային ծեծկռտուքին նրանց մասնակցությունը պարզելու համար։ Այս մասին հայտնում է tvzvezda–ն։

«Միջադեպին նրանց մասնակցությունը ճշտելու ուղղությամբ ձեռնարկված միջոցառումներով ոստիկանության տարածքային բաժիններ են բերվել 139 անձ»,- ասվում է ՌԴ ՆԳՆ Մոսկվայի գլխավոր վարչության պաշտոնական կայքում հրապարակված հաղորդագրության մեջ։

Ըստ նախնական տեղեկությունների՝ բանվորների միջև կոնֆլիկտ է ծագել, որը վերաճել է ծեծկռտուքի։ Ծեծկռտուքի հետևանքով երկու հոգի բուժօգնության են դիմել։