Մենք պատրաստ պատմական արդարության վրա հիմնված խաղաղության․ Ալիև

Հայաստանը պետք է ծրագրի իր ապագան՝ ելնելով սեփական ազգային շահերից, այլ ոչ թե մեր տարածաշրջանից հեռու, հատկապես արյունալի գաղութային անցյալ ունեցող երկրների նկրտումներից։ 

Ինչպես երկուշաբթի օրը հաղորդել է «Թրենդ»-ը, այս մասին, մասնավորապես, նոյեմբերի 20-ին Բաքվում Իրաքի Հանրապետության նախագահի հետ մամուլի ասուլիսում ասել է Ադրբեջանի նախագահ Իլհամ Ալիևը։

«Ոչ մի միջազգային ճնշում չի կարող ազդել ադրբեջանցի ժողովրդի և Ադրբեջանի կառավարության կամքի վրա: Այժմ Հայաստանն օգտագործում է իր սփյուռքներն աշխարհի տարբեր ծայրերում Ադրբեջանի վրա հարձակվելու համար: Բայց նրանց գործողություններն անարդյունավետ կլինեն: Մենք պատրաստ ենք խաղաղության, բայց արդար խաղաղության: Խաղաղություն՝ հիմնված երկու երկրների տարածքային ամբողջականության և ինքնիշխանության ճանաչման վրա, խաղաղություն՝ հիմնված ողջախոհության և պատմական արդարության վրա»,- ասել է նա։