«Լավ կլիներ` Հայաստանում անվտանգություն փնտրեին իրենց հարևանների հետ համագործակցությամբ»․ Էրդողան

Արևմտյան որոշ տերություններ դեռ չեն գիտակցում, որ ղարաբաղյան պատերազմից հետո տարածաշրջանում նոր դարաշրջան է սկսվել։ Այդ մասին հայտարարել է Թուրքիայի նախագահ Թայիփ Էրդողանը, փոխանցում է APA-ն։

 «Նրանք շահագործել, օգտագործել և դատապարտել են հայերին անորոշության։ Հայաստանը պետք է նկատի սա։ Լավ կլիներ, որ հայ ժողովուրդն ու իշխանությունները անվտանգություն փնտրեին ոչ թե հազարավոր կիլոմետրեր հեռու, այլ իրենց հարևանների հետ համագործակցությամբ։ Արևմտյան երկրների կողմից ուղարկված ոչ մի զենք չի կարող փոխարինել մշտական խաղաղությանը»,-ասել է Էրդողանը՝ նշելով, որ «Թուրքիան և Ադրբեջանը պատրաստ են քայլեր ձեռնարկել խաղաղության շուրջ գործընթացը հաջողությամբ ավարտելու համար»։ 

Էրդողանի խոսքով՝ «նրանք, ովքեր վարձավճար են ստացել, Երևանին հրահրելով, իրականում ամենամեծ վնասն են հասցրել հայերին»։