Ղազախստանում կինն սպանել է իր 7-ամյա դստերը, քանի որ վերջինս տեսել էր մորը սիրեցյալի հետ

Ղազախստանի Էքիբաստուզում երեք օր շարունակ փնտրում էին անհետացած 7-ամյա Միլանային։ Արդյունքում գտել են նրա դին։

Ինչպես հայտնում է Orda հրատարակությունը՝ վկայակոչելով ոստիկանությանը, այդ օրը աղջկա մայրը որոշել էր երեխաների հետ գնալ ամուսնու մոտ, ով աշխատում է ֆերմայում։ Բայց աղջիկը հրաժարվել է գնալ։ Երեխան դուրս է եկել տնից ու անհետացել։

Դրանից հետո աղջկան որոնել է ավելի քան 320 մարդ, այդ թվում՝ կինոլոգներ։ Կամավորներն այսօր հայտնաբերել են աղջկա մարմինը։ Ոստիկանությունը կրկին հարցաքննել է մորը, և նա խոստովանել է, որ Միլանան տեսել է իրեն իր սիրեցյալի հետ և մտադիր է եղել ամեն ինչ պատմել հորը։ Դրանից հետո կինը սպանել է սեփական դստերը, իսկ սիրելին օգնել է նրա մարմինը թաքցնել աղբարկղում։

Այժմ երեխայի մայրն ու նրա սիրեցյալը բերման են ենթարկվել։ Ոստիկանությունից հայտնել են, որ տղամարդը նույնպես խոստովանել է հանցանքը։