Թող մոտենա Հայաստանի և Ադրբեջանի միջև լիակատար հաշտեցման օրը. Հռոմի պապ
Արտաքին Քաղաքական
Հռոմի Ֆրանցիսկոս պապը հավատացյալներին ուղղված Սուրբ Ծննդյան ուղերձում դատապարտել է պատերազմները, որոնք սնվում են զենքի արտադրությամբ:
«Պատերազմը միշտ ճանապարհորդություն է առանց նպատակակետի, պարտություն՝ առանց հաղթողների, խելագարություն՝ առանց արդարացումների: Բայց պատերազմին «ոչ» ասելու համար պետք է «ոչ» ասել զենքին: Եթե մարդու սիրտը դժգոհ է ու վիրավոր, իր ձեռքում նա կգտնի մահվան գործիքը և վաղ թե ուշ յն կօգտագործի։ Իսկ ինչպե՞ս կարելի է խոսել խաղաղության մասին, եթե զենքի արտադրությունը, վաճառքը, առևտուրն աճում են: Ես խնդրում եմ ձեզ դադարեցնել ռազմական գործողությունները, որոնք հանգեցնում են անմեղ զոհերի»,- ասել է Հռոմի պապը և կոչ է արել խաղաղություն հաստատել Իսրայելում և Պաղեստինում, ինչպես նաև Սիրիայում ու Եմենում։
«Նայելով Մանուկ Հիսուսին՝ ես աղոթում եմ Ուկրաինայում խաղաղության համար, մենք մեր հոգևոր մտերմությունն ենք հայտնում նրա նահատակ ժողովրդին: Թող մոտենա Հայաստանի և Ադրբեջանի միջև լիակատար հաշտեցման օրը: Թող դրան նպաստեն մարդասիրական նախաձեռնությունները, նրանց վերադարձը, ովքեր լքել են իրենց տները, և ցանկացած համայնքի կրոնական ավանդույթների ու պաշտամունքի վայրերի նկատմամբ հարգանքը»,- ասել է նա։
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
