Արգենտինայի հավաքականում չեն օգտագործի 10–րդ համարը Մեսսիի կարիերայի ավարտից հետո

Արգենտինայի հավաքականը չի օգտագործի 10–րդ համարը, որի ներքո հանդես գալիս Լիոնել Մեսսին, այն բանից հետո, երբ ֆուտբոլիստն ավարտի իր կարիերան։ Այս մասին հայտարարել է ասոցիացիայի նախագահ Կլաուդիո Տապիան, նրա մեկնաբանությունը մեջբերել է Sport. es պորտալը։ 

«Երբ Մեսսին հեռանա ազգային հավաքականից, մենք թույլ չենք տա նրանից հետո կրել 10–րդ համարը: Այս համարը ցմահ կհեռանա ազգային թիմից՝ ի պատիվ նրա: Դա ամենաքիչն է, որ մենք կարող ենք անել նրա համար»,- ասել է Տապիան: 

2022 թվականի դեկտեմբերին Մեսսին Արգենտինայի հավաքականի կազմում դարձավ աշխարհի չեմպիոն։ Կատարում կայացած մրցաշարում խաղացողը յոթ հանդիպում է անցկացրել, որոնցում խփել է յոթ գոլ և կատարել երեք արդյունավետ փոխանցում։ Ընդհանուր առմամբ Մեսսին Արգենտինայի հավաքականի կազմում անցկացրել է 180 հանդիպում և դարձել 106 գոլի հեղինակ։